Tjarnarskóli - lítill skóli með stórt hjarta

Fréttir


  • 23. feb. 8. bekkur fræddist um álfa, tröll og drauga á Listasafni Íslands

    Kvosarkrakkar, 8. bekkur, heimsótti Listasafn Íslands í vikunni og fræddist um álfa, tröll og drauga á sýningunni Korriró og Dillidó.

  • 20. feb. Tíundi bekkur á kynningu í Tækniskólann

    Tíundi bekkur fór á frábæra kynningu í Tækniskólann.

  • 14. feb. Öskudagur 2018

    Það er orðin skemmtileg hefð hjá okkur að nemendur mæti í einhverju litríku og skemmtilegu á öskudaginn. Flottustu búningarnir eru valdir og veglegir vinningar í boði. Þeir sem eru ekki alveg í búningastuði geta jafnvel sett upp sniðuga húfu, sett í sig slaufur, mætt í litríkum sokkum, sett á sig trúðanef eða eplakinnar. Nú, svo má líka koma með skemmtiatriði. Nemendur fá að fara í nammileiðangur um stund og svo endum við í vöffluglaðingi í hádeginu. Síðan fara allir í sitt vetrarfrí. Að þessu sinni fá nemendur lengra frí en kennarar sem mæta í vinnuna á mánudaginn - en nemendur mega líka sofa út þann dag. Gott og gaman að fá tilbreytingu á köldum febrúardögum.

  • 13. feb. Félagsvistin æfð

    Það er alltaf gaman að fara í félagsvist. Tromp, nóló, grand og allt hitt æft og auðvitað gaman að fá sem flest stig ef maður er heppinn í spilum. 

  • 12. feb. Notalegt að bregða sér á Borgarbókasafnið

    Nemendur í Tjarnarskóla fara reglulega á Borgarbókasafnið og velja sér bækur að láni en einnig að njóta þess að kíkja í bækur á safninu.

  • 9. feb. Alltaf stuð í boltavalinu

    Í boltatímum æfa krakkarnir alls konar boltafimi. Gaman!

  • 6. feb. Spilahönnun í gangi

    Nemendur í spilahönnun eru langt komnir með borðspilin sem þeir hafa verið að búa til. Í dag var verið að prófa spilin og spilareglurnar.

  • 4. feb. Þín eigin goðsaga

    Gaman að rekast á umfjöllun um bók Ævars vísindamanns þar sem hann lætur getið um heimsókn sína í Tjarnarskóla við gerð bókarinnar. Myndirnar tala sínu máli, takk fyrir komuna Ævar! 

  • 31. jan. Tíundu bekkingar í heimsókn í Seðlabankann

    Tíundu bekkingar fóru í skemmtilega heimsókn í Seðlabankann. Þeir fræddust um starfsemi bankans og tóku síðan nokkur létt dansspor með upplýsingafulltrúanum sem tók vel á móti hópnum. 

  • 30. jan. Flott rannsóknarverkefnin 2018

    Gerð rannsóknarverkefna eru árleg nemendaverkefni. Nemendur sýndu mjög fjölbreytt verlefni að vanda og sýndu gestum afrakstur heilmikillar vinnu. Verkefnavalið er frjálst og lögð áhersla á að þau séu skapandi, grípandi og vel unnin. Verkefnið hennar Júlíu G. var sérstakt; það fjallaði m.a. um hænur fjölskyldunnar og tvær hænur komu í heimsókn af því tilefni wink

  • 26. jan. Söngkeppni Samfés; fjórar Tjarnóstelpur tóku þátt

    Þær Rakel, Wiktoría, Guðrún Ýr og Júlía Helga tóku þátt í Söngkeppninni og Rakel komst í úrslit, söng eins og engill. Til hamingju Rakel - og takk allar fjórar fyrir að keppa fyrir hönd Tjarnó! smiley

  • 23. jan. Tíundu bekkingar fóru í heimsókn í Menntaskólann í Kópavogi

    Tíundu bekkingar fóru í mjög áhugaverða heimsókn í MK ásamt Helgu Júlíu, kennara. MK býður upp á fjölbreyttar námsleiðir. Fín heimókn í alla staði. Takk fyrir okkur!

  • 22. jan. Tíundubekkingar í Alþingishúsið

    10. bekkur fór í mjög skemmtilega heimsókn í Alþingishúsið eftir hádegi í dag.

  • 17. jan. Ungbarnadagar í 10. bekk

    Tíundu bekkingar stóðu sig mjög vel á ungbarnadögunum sem lauk í dag. Sumir voru þreyttari en aðrir enda vöknuðu börnin misoft á nóttunni (reyndar tveimur nóttum). Við erum mjög stolt af frammistöðu þeirra! Þátttaka í þessu verkefni er alltaf krefjandi og að sögn fannst þeim erfiðast að vakna á nóttunni til að sinna barninu ,,sínu". Flott hjá ykkur 10. bekkur!!!!!

  • 19. des. Frábærir þemadagar!

    Frábærum þemadögum er lokið í Tjarnó. Það ríkti mikil vinnugleði og sköpunargleði þessa fjóra daga. Jólapeysur, jólaspil, myndbönd, Molajólabúningar, jólapopp, jóladrykkir, jólakókoskúlur, skautakennsla á Tjörninni og Ingólfstorgi, piparkökuhúsaskreytingar, viötöl við túrista í Miðborginni, viðtöl við þá sem muna jólin á árum áður, gengið í kringum jólatréð á Austurvelli, alls konar hönnun og margt fleira skemmitlegt leit dagsins ljós! Við kennarar og Sigrún Edda þökkum krökkunum kærlega fyrir samveruna og vinnusemina þessa daga - svo eru þemadagar alltaf mikil þjálfun í samvinnu og því að vera góður liðsmaður í hóp.

  • 15. des. Eyrún Ósk Jónsdóttir, rithöfundur í heimsókn

    Fengum góðan gest í heimsókn; Eyrúnu Ósk Jónsdóttur, rithöfund, sem kynnti fyrir okkur bókina Ferðina til Mars. Við Þökkum Eyrúnu kærlega fyrir komuna til okkar.

  • 30. nóv. Árlegt jólaföndur foreldrafélagsins

    Við áttum frábært jólaföndursíðdegi í Tjarnó sem foreldrafélagið stóð fyrir að vanda. Súkkulaðiilmur, góð samvera og viðfangsefni gerði þennan viðburð MJÖG ánægjulegan. Tíundubekkingar stóðu sig vel í að bjóða upp á glæsilegt hlaðborð og voru einnig með heilsusamlegan varning á boðstólum sem ein mamman í foreldrahópnum útvegaði (Omega 3 er málið í skammdeginu; reyndar alltaf!). Það er ekki lítið framlag í bekkjarsöfnunina fyrir Danmerkurferðina í vor! Bestu þakkir! 

  • 28. nóv. Heimsókn í Fjölbrautaskólann í Breiðholti

    Tíundu bekkingar fóru í heimsókn í Fjölbrautaskólann í Breiðholti, ásamt Helgu Júlíu, kennara. Það var afar vel tekið á móti hópnum og fengu krakkarnir okkar sérstakt hrós frá námsráðgjafanum fyrir að sýna áhuga og jákvæðni. Alveg til fyrirmyndar þessi frábæri hópur! Framhaldsskólaheimsóknir tíundu bekkinga eru ávallt fastir liðir hjá 10. bekk á hverjum vetri og fleiri skólar verða heimsóttir eftir því sem líður á skólaárið. 

  • 21. nóv. Heimsókn í Spilavini

    Hópurinn í valinu ,,spilahönnun" fór í heimsókn í Spilavini. Hópurinn fékk fullt af góðum hugmyndum og fræddust um gangverk og þemu spila. Svo er bara að hefjast handa næsta þriðjudag.

  • 20. nóv. Brynja fékk íslenskuverðlaun Skóla- og frístundasviðs

    Það var afar ánægjulegt þegar Brynja Kristinsdóttir, nemandi í 10. bekk, tók á móti íslenskuviðurkenningu á degi íslenskrar tungu í Hörpunni, ásamt fulltrúum úr skólum í Reykjavík. Þetta var hátíðleg stund þar sem Vigdís Finnbogadóttir, fyrrverandi forseti Íslands, sem er verndari verðlaunanna, afhenti nemendum bók og verðlaunaskjal. Við erum afar stolt af Brynju. Innilega til hamingju, Brynja!


Efst á síðu