Tjarnarskóli var stofnaður árið 1985 af Margréti Theodórsdóttur og Maríu Solveigu Héðinsdóttur. Skólaárið 2017-2018 er 33. starfsár skólans.
Þróun og áherslur
Sjálfstæðir skólar
Skóladagatal 2017 - 2018
Innkaupalisti 2017-2018
Hafðu samband í tölvupósti; tjarnarskoli@tjarnarskoli.is
eða síma 5624020.
Bæklingur á pdf formi með upplýsingum um skólastarfið.
Það var mjög ánægjulegt að vera viðstödd afhendingu nemendaverðlauna Skóla- og frístundasviðs í gær í Hólabrekkuskóla. Við kennarar í Tjarnarskóla sendum tilnefningu um Birtu Dís í 10. bekk að þessu sinni. Hún er glæsilegur fulltrúi skólans og var tilnefnd fyrir marga sigra, bæði á sjálfri sér og sem námsmaður. Hún hefur einnig stundað fjarnám í Versló á vorönninni í þremur námsgreinum. Til hamingju Birta Dís og foreldrar! 😀Birta Dís fékk viðurkenningarskjal og verðlaunabókina ,,Vertu ósýnilegur"
Nemendur í leirlistarvali hafa gert mjög fallega hluti á námskeiðinu hjá Kristínu Ísleifsdóttur, kennara. Nemendur hafa fengið að vera í húsakynnum Háskóla Íslands í Skipholti. Mjög gaman að skoða afraksturinn.
Á föstudaginn mættu foreldrar galvaskir með grill, hamborgara og meðlæti og grilluðu ofan í mannskapinn. Gaman að ljúka vikunni með þessum hætti því nú eru prófin framundan og skólastarfinu brátt að ljúka. Takk frábærtu foreldrar fyrir framtakið; sérstaklega þau Kristinn og Anna Margrét!
Skólaráðið stóð fyrir mjög skemmtilegum fundi. Á dagskránni var fyrirlestur Bjarts Guðmundssonar fyrir foreldra með yfirskriftinni Óstöðvandi sjálfstraust. Mjög skemmtilegur! Nemendur í 10. bekk sögðu frá Danmerkurferðinni og gáfu 9. bekkingum góð ráð um fjáröflum fyrir næstu Danmerkurferð. Níundu bekkingar stóðu fyrir veitingasölu, hlaðborð á staðnum, og eru byrjaðir að safna fyrir ferðinni í 10. bekk næsta vetur. Mjög góð mæting foreldra, allir glaðir!
Foreldar komu aldeilis færandi hendi á föstudaginn. Pizzuilmur fyllti húsið - en tilefnið var að halda upp á að ritgerðardögum lauk í vikunni. Allir skrifuðu heimildaritgerðir í öllu sínu veldi, með forsíðu, efnisyfirliti, heimildaskrá, beinum tilvitnunum eins og vera ber. Takk, frábæru foreldrar fyrir framtakið!
Skoða allar fréttir
