Áttundi bekkur endaði daginn á Landnámssýningunni í Aðalstræti. Mjög skemmtileg fræðsla sem við fengum og krakkarnir voru flottir.
Það var ótrúlega skemmtilegt að taka á móti dönsku krökkunum frá Roskilde lille skole í byrjun október. Gestirnir dvöldu á Íslandi í viku. Nemendur gistu hjá frábærum Tjarnarskólafjölskyldum sem voru aldeilis góðir gestgjafar. Dönsku gestirnir upplifðu margt skemmtilegt; fóru með okkur í haustferð í Vindáshlíð, fóru í alls konar skoðunarferðir, ísferðir, hellaskoðun, foreldragrill í Elliðaárdal, pizzukvöld og margt fleira. Myndirnar tala sínu máli. Tíundi bekkurinn okkar fer síðan í Danmerkurferð í maí - það verður örugglega eftirminnilegt!
Nemendaráðið stóð fyrir Weard Wednesday
Áttundi bekkur og Kristín Inga, kennari, fóru í göngutúr í yndislegu veðri. Íslenska málfræðin unnin úti í blíðunni.
Níundubekkingar fóru á Bókasafn Kópavogs og hittu Guðrúnu Evu Mínervudóttur rithöfund sem spjallaði við þá um sköpunarferli og þá hugmyndavinnu sem á sér stað þegar bók verður til. Alveg frábær heimsókn með flottum krökkum!
Myndmenntahópurinn fór á Listasafn Íslands og skoðaði skemmtilegar sýningar.
Það var tekið vel á móti 10.bekk í Arionbanka. Heimsóknin var liður í fjármálafræðslunni. Kærar þakkir Marta Sólveig!
8. bekkur fór á Sjóminjasafnið í dag. Fengu fræðslu og unnu verkefni. Flottur hópur!
Við gerðum okkur dagamun og höfðum skóladaginn í Frístundagarðinum í Gufunesbæ. Þar er hægt að gera margt fjölbreytt og skemmtilegt.
10. bekkur fór á Sjóminjasafnið í vikunni og fékk m.a fræðslu um plastmengun í sjónum.
Þessi glæsilegi hópur skipar nemendaráð Tjarnarskóla skólaárið 2019 - 2020.
Nemendur í útivistarvalinu skellti sér í frisbígolf í frábæru veðri á Klambratúni.
8. bekkur gekk þennan fína hring í íþróttatímanum í dag með stuttum stoppum hér og þar.
10. bekkur fór í frábæra heimsókn í VR í dag. Krakkarnir okkar fengu mikið hrós fyrir flotta framkomu og skemmtilegar spurningar.
Anna Lára og Wiktoria í 10. bekk tóku þátt í Reykjavíkurmaraþoninu. Þær söfnuðu áheitum til að minnast Hlyns okkar Snæs, fyrrverandi Tjarnskælings. Fallegt og gott málefni. Voru auðvitað í appelsínugula litnum, hans uppáhalds!
Það var ljúf stund hjá okkur í Dómkirkjunni í dag þegar við hófum okkar 35. starfsár. Við buðum nýja nemendur sérstaklega velkomna og tónlistarmennirnir Ari Bragi Kárason og Eyþór Gunnarsson sáu um tónlistina. Síðan héldum við ótrauð á móti nýju skólaári með góðar væntingar í farteskinu.
Skólaslitin í Dómkirkjunni voru mjög ánægjuleg að vanda. Guðrún Ýr hélt ræðu fyrir hönd útskriftarnemenda, Andri Stefánsson ávarpaði 10. bekkinga fyrir hönd foreldra útskriftarnemenda, og þær Guðrún Ýr, Júlía Guðmundsdóttir, Freyja Rún, Rakel og Sunna Sigríður fluttu þrjú tónlistaratriði. Margir nemendur hlutu viðurkenningar og hrós og þau Helga Júlía og Þórir Andri, kennarar, fengu miklar þakkir fyrir að eiga tíu ára farsælan kennsluferil að baki íTjarnarskóla. Síðan fengu 10. bekkingar útskriftarskírteinin sín. Eftir skólalslitin var kveðjustund í skólanum með nemendum 10. bekkinga og fjölskyldum þeirra. Það eru ávallt blendnar tilfinningar að kveðja nemendur, bæði söknuður en um leið afar ánægjulegt að sjá þau stíga skrefin inn í framtíðina. Við óskum þeim öllum alls hins besta og vonum að þau komi sem oftast í heimsókn. Svo var komið að því að slíta skólanum í 34. sinn. Sjá einnig fullt af myndum frá viðburðinum.
Frábært grill hjá foreldrum í Tjarnó í sólinni í Mæðragarðinum! Margfaldar þakkir fyrir framtakið og gómsæta hamborgara! Einstakir Tjarnókrakkar nutu viðburðarins og góða veðursins. Bráðum er skólinn búinn og sumarfríið á næsta leiti! Hlökkum til! Skoðið fullt af myndum.
Það var gleðistund að vera viðstödd verðlaunaafhendingu í gær þegar Júlía okkar tók við nemendaverðlaunum Skóla- og frístundasviðs. Athöfnin fór fram í Háteigsskóla. Við erum mjög stolt af Júlíu en hver skóli tilnefnir einn nemanda á ári til að taka við þessari viðurkenningu.
Húrra fyrir Júlíu!!!!!
Áhugaverður og skemmtilegur dagur hjá stelpunum í 9.bekk á viðburðinum Stelpur & Tækni í HR. Glæsileg dagskrá og skemmtilegar heimsóknir í fyrirtæki í tæknigeiranum. Frábært framtak og gott tækifæri fyrir stelpurnar.
