Við breytum alltaf út af vananum síðasta dag fyrir páska. Stundum höfum við íþróttakeppni, dans eða eitthvað annað. Að þessu sinni vorum við með alls konar þrautir í skólanum. Nemendur fóru út í Mæðragarð og söfnuðu ,,eggjum", síðan var pílukast, Kahoot-keppni, spilaþraut, púsluþraut og fleira skemmtilegt. Liðið sem vann fékk páskaegg í verðlaun og síðan voru allir kvaddir með litlu páskaeggi í nesti áður en kærkomið páskafrí tók við.
