Tjarnarskóli - lítill skóli með stórt hjarta

Fréttir


  • 24. feb. Áttundi bekkur á Listasafn Reykjavíkur

    8. bekkur fór á Listasafn Reykjavíkur og sá nýju ERRÓ sýninguna, Sæborg, og sýningu Hrafnhildar Árnadóttur (Shoplifter), Cromo Sapiens. Þetta var skemmtileg upplifun.

  • 26. feb. Líf og fjör á öskudegi

    Alltaf gaman að breyta til á öskudaginn. Margir mættu í öskudagsbúningi, nemendur fóru í leiðangur í miðborgina til að safna góðgæti. Síðan var boðið upp á vöfflur í hádeginu. Góður dagur!

  • 24. feb. Skemmtilegar myndir frá leirlistarkennaranum

    Fengum skemmtilegar myndir frá leirlistarkennaranum Kristínu Ísleifsdóttur, af verkum nemenda á 2.önninni. Ótrúlega flott hjá krökkunum.

  • 20. feb. Skemmtilegt Fablab námskeið að byrja í Tækniskólanum

    Skemmtilegt Fablabnámskeið að byrja í dag. Nemendur mættu í Tækniskólann og fyrsta verkefnið var að prenta mynd á bol. Lofar góðu! Einnig verður hljóð- og myndvinnsla ásamt hönnun og þrívíddarprentun á dagskrá.

  • 19. feb. Níundubekkingar fóru í heimsókn í Spennustöðina

    9. bekkur fór í heimsókn í Spennustöðina, félagsmiðstöð 101. Tjarnarskólakrakkarnir eru alltaf velkomnir að kíkja þegar það er opið hús. Margt skemmtilegt í boði fyrir krakkana. 

  • 19. feb. Tíundu bekkingar í heimsókn í MR

    Tíundubekkingar fóru í heimsókn í MR sem er liður í námsgreininni MEST (menntun og störf). Þeir fengu fínar móttökur!  

  • 30. jan. Snærún keppti í danskeppni Samfés

    Við áttum góðan fulltrúa í danskeppni Samfés, glæsilegt atriði hjá henni. 

  • 24. jan. Sýning á glæsilegum rannsóknarverkefnum

    Það var ótrúlega gaman að skoða rannsóknarverkefni nemenda. Mikil fjölbreytni og skemmtilegt að sjá hvað margir lögðu mikinn metnað í þau. það var einnig frábært hvað margir foreldrar komu til að skoða. Bestu þakkir fyrir komuna og til hamingju krakkar með flott verkefni! Skoðið endilega myndirnar með fréttinni! 
    FLOTTIR KRAKKAR!

  • 24. jan. Söngkeppni Samfés - Rakel komst áfram

    Söngkeppni Tjarnarinnar ( félagsmiðstöðvar Miðborgar og Hlíða) var haldin í Hagaskóla. Þrjár stelpur úr Tjarnarskóla kepptu fyrir hönd skólans, þær Guðrún, Rakel og Lára. Tvö atriði komust áfram og við vorum afar stolt af því að Rakel okkar kemur til með að keppna í lokakeppninni. Frábært hjá Rakel - sem komst líka áfram í fyrra. 

  • 24. janúar Tíundu bekkingar voru ,,foreldrar" í tvo sólarhringa

    Tuttugu 10. bekkingar fengu lítil kríli í hendurnar á miðvikudaginn; mikið fjör og spenningur. Ungbarnaverkefnið er árlegur viðburður í skólanum en nemendur annast ,,ungbarn" í tvo sólarhringa. Það þarf að huga að þörfum barnsins, skipta á bleyjum, gefa pela, rugga, láta ropa og láta fara vel um barnið. Þetta verkefni er heilmikil áskorun, sérstaklega á nóttunni, þegar þarf að vakna og sinna barninu. Nemendur stóðu sig með mikilli prýði sem löngum fyrr.

  • 18. janúar Ungbarnadagar nálgast - undirbúningur á fullu

    Undirbúningur fyrir ungbarnadagana í 10. bekk er hafinn. Allir sem vildu, fengu að prófa óléttubumburnar og prófuðu m.a. að fara stigana upp á 3. hæð og aftur til baka. Svo þarf að finna gott nafn á krílið sem þau fá í hendur á miðvikudaginn. ,,Ömmurnar" og ,,afarnir" fengu fræðslu fyrr um daginn enda þarf líka að undirbúa þau fyrir komu barnsins. 

  • 16. janúar Heimsókn í Vísindasmiðju Háskóla Íslands

    Nemendur í 8. bekk fóru í skemmtilega heimsókn í Vísindasmiðjuna í Háskólabíói. Ótrúlega skemmtileg heimsókn og fræðandi. 

  • 15. janúar Foreldrafélagið fékk Spilavini í heimsókn

    Miðvikudagskvöld fékk foreldrafélagið Spilavini í heimsókn. Um 25 nemendur tóku þátt og mikið stuð á staðnum og foreldrar buðu auk þess upp á pizzuveislu.  Flottir og skemmtilegir krakkar sem við eigum og frábærir foreldrar!

  • 1.Apr 1970
    9. janúar Forvarnafræðsla fyrir foreldra í Tjarnó

    Það var mjög góð mæting foreldra á fyrirlestur Guðrúnar Ágústsdóttur frá Foreldrahúsi og Vímulausri æsku í gærkvöldi: Við vorum mjög ánægð með erindið og fannst það mjög innihaldsríkt og á þeim nótum sem hægt er að taka heils hugar undir. Við þurfum öll að standa vaktina!

     

  • 20. des. Litlu jólin í Tjarnó

    Síðasta skóladag fyrir jól hittust nemendur í skólanum með sparinesti og góða skapið, enda jólafríið framundan. Nemendur höfðu pakkaleik og áttu ljúfa samveru. 

  • 4. des. Góðir gestir frá Fjármálaviti

    Gestir frá Fjármálaviti heimsóttu 10. bekkinn í dag með fjármálafræðslu um launaseðilinn og svo spiluðum við Kahoot. Frábær heimsókn! 

  • 28. nóv. Áttundi bekkur í Þjóðminjasafnið

    Áttundubekkingar heimsóttu Þjóðminjasafnið í dag og skoðuðu sýninguna: Með Ísland í farteskinu, Pike Ward. Mjög skemmtileg sýning og krakkarnir tóku virkan þátt.

  • 28. nóv. Tíundi bekkur í Borgarleikhúsið

    10. bekkur fór í Borgarleikhúsið í dag og sá leikritið ,,Allt sem er frábært"  sem var algjörlega frábært!  

  • 28. nóv. Aðventustund foreldrafélagsins og 10. bekkinga

    Kæru foreldraráðsforeldrar! Hjartans þakkir fyrir góðan undirbúning aðventustundarinnar sem tókst afbragðsvel! Þakka einnig öllum hinum foreldrunum, nemendum og öðrum fjölskyldumeðlimum sem tóku þátt. Tíundubekkingar fá einnig mikið hrós fyrir veitingarnar sem voru glæsilegar og ljúffengar.  Ilmur af heitu súkkulaði fyllti húsið, alls konar jólaföndur var á boðstólum og góð stemning. 


Efst á síðu