Tjarnarskóli - lítill skóli með stórt hjarta

Fréttir


  • 1.Des 1970
    Hljómskálagarðurinn - fín útivera 29. ágúst

    Nemendur í Hljómskálagarðinum í góða veðrinu. 

  • Föstudagssamhristingur 24. ágúst

    Það er orðin hefð hjá okkur að hrista saman hópinn í lok fyrstu viku skólastarfsins. Þá blöndum við nýjum og eldri nemendum saman í hópa til þess að hefja góð kynni. Nemendur unnu ýmis verkefni utan dyra og síðan gæddum við okkur á skúffuköku í lokin.

  • Skólasetning í Dómkirkjunni 22. ágúst

    Það er alltaf ánægjulegt að hefja skólastarf í ágúst og hitta fyrrverandi nemendur, nýja nemendur og fjölskyldur þeirra. Jónas Þórir, tónlistarmaður, mætti einnig og spilaði meðal annars stef úr Star Wars á orgelið. Mjög flott! Hlökkum til samstarfsins framundan og stefnum á farsælt og gott skólastarf sem löngum fyrr.

  • Skólaslitin 2018

    Skólaslitin okkar númer 33 fóru fram í Dómkirkjunni eins og venjulega og voru mjög ánægjuleg. Fjórir nemendur, þær Hrefna, Vaka, Ásdís Ósk og Júlía G. fluttu hver um sig tónlistaratriði. Brynja, útskriftarnemandi, flutti kveðjuorð 10. bekkinga og Kristinn, formaður foreldrafélagsins, flutti kveðjuorð foreldra. Síðan tóku við verðlaunaafhendingar og þá var komið að útskrift 10. bekkinga. Að lokinni athöfn hittust fjölskyldur 10. bekkinga í skólanum þar sem komið var að kveðjustund. Við þökkum þeim öllum fyrir góð kynni og samvinnu á Tjarnarskólaárunum þeirra. Tónlistarstúlkurnar og ræðumenn fá miklar þakkir fyrir afar hlý orð í garð okkar í skólanum. Hér eru nokkrar myndir frá útskriftinni. Öllum Tjarnskælingum og fjölskyldum þeirra og starfsfólki þökkum við samvinnuna í vetur. Hafið það sem allra best í sumar!!!!

  • 29. maí Birta Dís í 10. bekk fékk viðurkenngu Skóla- og frístundasviðs Reykjavíkur

    Það var mjög ánægjulegt að vera viðstödd afhendingu nemendaverðlauna Skóla- og frístundasviðs í gær í Hólabrekkuskóla. Við kennarar í Tjarnarskóla sendum tilnefningu um Birtu Dís í 10. bekk að þessu sinni. Hún er glæsilegur fulltrúi skólans og var tilnefnd fyrir marga sigra, bæði á sjálfri sér og sem námsmaður. Hún hefur einnig stundað fjarnám í Versló á vorönninni í þremur námsgreinum. Til hamingju Birta Dís og foreldrar! 😀Birta Dís fékk viðurkenningarskjal og verðlaunabókina ,,Vertu ósýnilegur"

  • 28. maí Leirlistarkrakkar gerðu flotta hluti

    Nemendur í leirlistarvali hafa gert mjög fallega hluti á námskeiðinu hjá Kristínu Ísleifsdóttur, kennara. Nemendur hafa fengið að vera í húsakynnum Háskóla Íslands í Skipholti. Mjög gaman að skoða afraksturinn. 

  • 25. maí Foreldrar grilluðu í Mæðragarðinum

    Á föstudaginn mættu foreldrar galvaskir með grill, hamborgara og meðlæti og grilluðu ofan í mannskapinn. Gaman að ljúka vikunni með þessum hætti því nú eru prófin framundan og skólastarfinu brátt að ljúka. Takk frábærtu foreldrar fyrir framtakið; sérstaklega þau Kristinn og Anna Margrét!

  • 16. maí: ,,Opinn fundur" skólaráðs; óstöðvandi sjálfstraust

    Skólaráðið stóð fyrir mjög skemmtilegum fundi. Á dagskránni var fyrirlestur Bjarts Guðmundssonar fyrir foreldra með yfirskriftinni Óstöðvandi sjálfstraust. Mjög skemmtilegur! Nemendur í 10. bekk sögðu frá Danmerkurferðinni og gáfu 9. bekkingum góð ráð um fjáröflum fyrir næstu Danmerkurferð. Níundu bekkingar stóðu fyrir veitingasölu, hlaðborð á staðnum, og eru byrjaðir að safna fyrir ferðinni í 10. bekk næsta vetur. Mjög góð mæting foreldra, allir glaðir!

  • 11. maí Foreldrafélagið bauð upp á pizzuhádegi

    Foreldar komu aldeilis færandi hendi á föstudaginn. Pizzuilmur fyllti húsið - en tilefnið var að halda upp á að ritgerðardögum lauk í vikunni. Allir skrifuðu heimildaritgerðir í öllu sínu veldi, með forsíðu, efnisyfirliti, heimildaskrá, beinum tilvitnunum eins og vera ber. Takk, frábæru foreldrar fyrir framtakið!

  • 8. maí Stelpum í 9. bekk boðið á ,,Stelpur og tækni"

    Stelpurnar í 9. bekk fengu frábært tækifæri ásamt um 750 öðrum 9. bekkjar stelpum. Um var að ræða áhugaverða kynningu á möguleikum tækninnar. Tekið var á móti þeim í Háskólanum í Reykjavík og síðan fóru þær einnig í heimsókn í fyrirtækið Kolibri. Þetta er í fimmta skipti sem svona viðburður er haldinn. Þeir sem standa fyrir honum eru Háskólinn í Reykjavík, Samtök Iðnaðarins, SKÝ og LS Retail. Frábært framtak!

  • 3. maí Landnámssýningin alltaf vinsæl

    Áttundu bekkingar lögðu leið sína á Landnámssýninguna - alltaf gaman að skoða og alltaf eitthvað nýtt.

  • 3. apríl Erró áhugaverður; 8. bekkingar á sýningu

    Það er ævintýralegt að skoða Errósýninguna á Listasafni Reykjavíkur. Áttundu bekkingar skoðuðu sýninguna á dögunum. 

  • 26. apríl Árshátíðin 2018 tókst frábærlega vel!

    Árshátíðin tókst frábærlega vel! Mikil gleði og mikil stemning. Við vorum mjög stolt af hópnum okkar allra. Kennaragrinin tvö vöktu mikla kátínu. Kynnarnir stóður sig afar vel og Guðrún Ýr söng eins og engill. Margir nemendur tóku við skemmtilegum tilnefningum s.s. krútt skólans, íþróttamaður skólans, svo dæmi sé tekið. Svo var dansað og dansað. Tíundi bekkur og Helga Júlía: Húrra fyrir ykkur og takk fyrir allan undirbúninginn! Þið eruð frábær!

  • 16. apríl Heimsókn í Roskilde Lille Skole; eðlis- og efnafræðitími

    Eðlis- og efnafræðitími hjá krökkunum í Roskilde Lilleskole. Ótrúlega skemmtilegt 

  • 13. apríl Tíundubekkingar til Danmerkur- ævintýrin framundan

    Þá var loksins komið að Danmerkurferðinni. Þær Helga Júlía og Birna Dís fóru með hópinn til Danmerkur, mikill spenningur, að sjálfsögðu. Ævintýrin framundan. Það var til dæmis ekki amalegt að eyða degi í Tívolíinu í Köben, fara í Bakken eða i VIP-stúku á fótboltaleik. 

  • 24. mars Rakel okkar var glæsilegur fulltrúi á Söngkeppni Samfés

    Rakel okkar var glæsilegur fulltrúi Tjarnarskóla í Söngkeppni Samfés. Keppnin var í beinni á RÚV. Við getum verið afar stolt af framlagi Tjarnarskóla í keppninni! Til hamingju með þig, Rakel!

  • 20. mars Páskabingó í skólanum

    Páskabingóið heppnaðist mjög vel og auðvitað allir mjög sáttir sem fengu Bingó. Takk fyrir komuna öll og sérstakar þakkir fá þau Róbert Arnes Skúlason, pabbi hennar Sunnevu, og Eva, mamma hennar Svanhildar, fyrir að útvega flotta vinninga fyrir okkur. 

  • 20. mars Dönsku gestirnir kvaddir með hópknúsi

    Við í Tjarnarskóla erum afar ánægð með hvernig til tókst með móttöku Dananna okkar. Síðasta daginn hittust allir í skólanum og gæddu sér á glæsilegu morgunverðarhlaðborði í boði foreldra og nemenda. Tjarnarskólafjölskyldurnar voru frábærir gestgjafar. Dönsku kennararnir og krakkarnir eru alveg í skýjunum. Það var glaður hópur sem fór heim. Birna Dís, kennari fékk mikið hrós og þakklæti fyrir einstaka eljusemi við skipulag og undirbúning fyrir mótttöku gestanna okkar með dyggum stuðningi Helgu Júlíu, umsjónarkennara í 10. bekk og með afar mikilvægu framlagi kennarahópsins alls. Húrra fyrir ykkur öllum!

  • 19. mars Dönsku dagarnir; Perlan, Nauthólsvík, keila, skautar og Úlfarsfell

    Dönsku gestirnir, í fylgd Tjarnókrakka, fóru vítt og breitt í dag. Sumir fóru og skoðuðu safnið í Perlunni og fóru í sjósund í Nauthólsvík. Aðrir fóru á skauta, í keilu eða gengu á Úlfarsfell. Frábær dagur með gestunum okkar!

  • 16. mars Rafveituhúsið skoðað á heimleið úr skíðaferð

    Á heimleið eftir frábæra skíðaferð var stoppað við Rafveituhúsið í Elliðaárdal. 


Efst á síðu